منتديات الصالحي
أهلا ومرحباً بك عزيري الزائر / عزيزتي الزائرة إذا أردت / أردتي التسجيل فمرحباً بكم
يسرنا تسجيلكم وتواجدكم معنا والله الموفق والمستعان ...........
أخوكم محمد الصالحي ( إبن بني سويف العظيمة _ مصر أم الدنيا )

منتديات الصالحي

منتديات الصالحي .... ( ملتقي كل البشر )
 
الرئيسيةالبوابةمكتبة الصورالتسجيلدخول

شاطر | 
 

 اعرفى زوجك من طريقة اكله

اذهب الى الأسفل 
كاتب الموضوعرسالة
hala
نائبة مدير المنتدي
نائبة مدير المنتدي
avatar

عدد الرسائل : 694
وسام :
الدولة التي ولدت بها : أم الدنيا
الدولة التي توجد بها الأن : أجمل بلاد الأرض
المحافظة أو البلد أو المنطقة : محافظة الكرم ذاته
تاريخ التسجيل : 20/02/2008

مُساهمةموضوع: اعرفى زوجك من طريقة اكله   السبت أغسطس 08, 2009 9:51 pm

إذا كان عادي يعني لا بياكل بسرعة ولا ببطء ولا دايمًا شبعان ولا مفجوع على طول.. فهو شخص معتدل في عواطفه وقراراته .. استعجلي الزفاف ستكوني مرتاحة معه.


2- إذا كان بيحب الأكل زي عينيه.. وأول ما يدخل من الباب وقبل ما يقول لك ازيك يقول لك ريحة التقلية تجنن ياروحي إنتوا عاملين ملوخية ؟.. أموت أنا.. ويقعد ياكل ويحشر لحد ما يغمى عليه..
يبقى إنسان طفس.. وهوائي.. وطايش.. وأوعي تتجوزيه أحسن ياكلك وانتي نايمة....؟؟


3-أما إذا كان مش مهتم بالمرة.. لايقولك ده حلو ولا ده عادى ولا مالح ولا مستوي ولا لسه ني ولا بيعلق أي تعليق.. وعمره مايقولك جعان أو شبعان

يبقى إنسان مالوش لزمه.. وزي قلته.. وأنصحك بدل ما تتجوزيه إتبنيه..
وهاتعيشي إنتي الراجل والست في وقت واحد


4- أما إذا كان بياكل زى مايكون حد بيجري وراه وساعة الأكل بيجيله حالة صرع معوي.. ويقوم من عن الأكل قبل أي حد تاني.

يبقى متسرع.. ومتهور في اتخاذ قراراته وممكن بعد الجواز يكتشف إنك لستى ملهمته..ولستى فتاة أحلامه ولستىِ حلمه.. ويروح مطلقك بالتلاتة..إخلعي إنتي بدري أحسن لكرامتك.


5- أما إذا كان بياكل على مهله.. ويمزمز.. في كل صنف لوحده.. ويسأل عن كل صنف إيه مقاديره ومعمول إزاي ويقعد يستطعم في الأكل من العصر للمغرب .

حاسبي منه يا اختي ده النوع اللي له مخ.. وبيوزن الأمور بطريقه تفقع المرارة.. ولو في يوم طلبتي منه يقولك كلمة حلوة هايقولك مش عامل حسابي ويقعد يفكر 3 سنين وبعدين يقول لك بحبك


6- أما إذا كان بيقعد يقطع ف الأكل زي مايكون في خناقة ويخبط ف الطبق من الغل.. ويقطع حتة اللحمة زي ما يكون بيدبحها.. ويتفتف.. ويتكلم..طول ماهو بياكل

ده شخص عصبي جدًا.. ومع أول خناقة هايروح مناولك بالكرسي في راسك أو بالسكينة في عينك يعمل لك عاهة مستديمة وبعدين.. يهدى.. ويقول لك:
"سوووري يا روحي هي جت فيكي.. ماعاليش"

""ماعاليش بره يا حبيبي وخد الباب في أيدك""


7- أما إذا كان دايمًا قرفان دايمًا مش عاجبه العجب ولا الصيام في رجب.. يعنى..

الملوخية تقيلة.. ياي.. السمنة كتيرة على وش الشوربة.. ياساتر.. دا
محشي ولا صوابع مووز..

أوف.. الرز محصويل.. يامَّه المكرونة

OAS_AD('Middle');













معجنة..

إذا كان كده توكلي على الله وهاتي أحمى ساطور عندك وأنا أعرف لك واحد محامي هايطلعك منها زي الشعرة من العجيييين

والأحسن من ده كله.....

مالها القعدة في بيت أبوكي؟؟


دة طبعا منقوووووووووووووووول

_________________




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اعرفى زوجك من طريقة اكله
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الصالحي :: المنتديات العامة  :: المنتـــــــــــدي العــــــام-
انتقل الى: